𝗖udurka 𝗕abesiyosi𝗦?✍︎✍︎

⚫𝗖𝗨𝗗𝗨𝗥𝗞𝗔 𝗕𝗔𝗕𝗜𝗬𝗢𝗦𝗜𝗦𝗞𝗔  " 𝘽ᵃᵇᵉˢⁱᵒˢⁱ𝗦"⌨︎✍︎

Waa maxay Xanuunka Babiyosisku? Xanuunkan babiyoosisku waa xanuun ku dhaca Lo'da ,adhiga, doofaarka, Eyda iyo fardaha. kaas oo ay keenaan mid ka mid ah dulinnada xanuun dhaliyaasha ah, oo loo yaqaan "𝗕𝗮𝗯𝗲𝘀𝗶𝗮 𝘀𝗽𝗽"

☯︎𝗦𝗜𝗗𝗘𝗘 𝗔𝗬𝗨𝗨 𝗞𝗨𝗚𝗨𝗗𝗕𝗔 𝗖𝗨𝗗𝗨𝗥𝗞𝗔𝗡 "𝗺𝗼𝗱𝗲 𝗢𝗳 𝗧𝗿𝗮𝗻𝘀𝗺𝗶𝘁𝗶𝗼𝗻 :

sidoo kalena xanuunkan waxa gudbiya oo laga qaadaa qaniinyada shilinta, gaar ahaan nooca loo yaqaan ." 𝗥𝗵𝗶𝗽𝗶𝗰𝗲𝗽𝗵𝗮𝗹𝘂𝘀 𝘀𝗽𝗽"waxa xusid mudan in uu dulinka xanuunkan keenaa uu jidhka xoolaha ku galo qaniinyada shilintaas aynu soo xusnay, isla markaasna uu u gudbo habdhiska qaada dhiigga ee neeflca, muddo aan badnayn ayay ku qaadataa dulinkani inuu meerto nololeedkiisa dhamaysto si uu u noqdo mid xanuun keeni kara. Dulinkani wuxuu iskaga gudbi karaa in badan oo xoolaha ka mid ah isaga oo ku gudbi kara dhiigga bukaanka xanuunkani hayo, sidoo kalena u gudbi kara jiilka cusub isaga oo u gudbi kara uur ku jirta hooyada xanuunkani hayo. Xanuunkani waxa uu ku soo muujin karaa calaamado muddo 2 ilaa 3 usbuuc ah.

♲︎𝗠𝗔𝗫𝗔 𝗟𝗔𝗚𝗨 𝗚𝗔𝗥𝗔𝗡𝗞𝗔𝗥𝗔 𝗖𝗨𝗗𝗨𝗥𝗞𝗔𝗡? "𝗖ˡⁱⁿⁱᶜᵃˡ 𝗦ⁱᵍⁿˢ"?

Cudurkani waxa uu caan ku yahay oo lagu garan karaa astaamahan:
▪️ Xummad, dhiig la'aan iyo amateed xumo.
➪ marka ugu horaysaba waxa lagu arkaa Dhiig la'aan iyo dawakhaad neefka.
➪in uu kici waayo neefku ama dhaco ayaa sidoo kale lagu garan karaa cudurkan.
➪ kaadida neefka oo midab doorsoonta (casaan ama guduud)
➪ mararka maarkood waxa lagu arki karaa kaadi dhiig la socdo
➪marka la qalo neefka waxa lagu arki karaa calaamado u badan kuwa ay sababaan dhiig la'aanta iyo dullinada dhiigga raacaa.

♲︎︎︎𝗔𝗦𝗧𝗔𝗔𝗠𝗔𝗛𝗔 𝗞𝗔𝗠𝗨𝗨𝗤𝗔𝗡𝗞𝗔𝗥𝗢 𝗕𝗨𝗞𝗔𝗡𝗞𝗔 𝗠𝗔𝗥𝗞𝗔 𝗨𝗨 𝗗𝗛𝗜𝗡𝗧𝗢"𝗣ᵒˢᵗᵐᵒʳᵗᵉᵐ 𝗦ⁱᵍⁿˢ"

Astaamaha ugu badan ee lagu arki karo bukaanka cudurkani Helay waxa ka mid
ah:
➪ barar lagu arko beeryarada neeflca.
➪ midab cadaan xigeen ah oo lagu arko meelaha jilicsan ee jidhka, taas oo muujinaysa baaxadda dhiig la'aanta ee uu xanuunku keenay.
➪ midabka kelyaha oo madaw isku bedela.
☯︎ 𝗛𝗮𝗱𝗱𝗮𝗯𝗮 xanuunkan waxa lagu khaldi karaa oo ay astaamo wadaag yihiin inta badan xanuunada ay keento shilintu iyo kuwa dulinadu sababaan. kuwaas oo ka siman, dhiig jajabinta, xumadda, kaadi doorsoonka iyo dawalchaada uu bukaanku sameeyo.
xanuunkan waxa lagu xaqiijin karaa si looga garto dhamaan cuduradaas aynu soo sheegnay in si sax ah bukaanka looga qaado dhiig isla markaasna laga baadho dulinka xanuunkan keena.

♲︎︎︎𝗞𝗔𝗛𝗢𝗥𝗧𝗔𝗚𝗔 𝗜𝗬𝗢 𝗗𝗔𝗪𝗘𝗬𝗡𝗧𝗔 𝗖𝗨𝗗𝗨𝗥𝗞𝗔 }{𝗣ʳᵉᵛᵉⁿᵗⁱᵒⁿ 𝗔𝗻𝗱 𝗧ʳᵉᵃᵗᵐᵉᵐ𝘁}"

▪️bukaanka xanuunkani helay waxa lagu daawayn karaa daawooyinka kala ah
diminazene diaceturate iyo Imozol.
▪️ sidoo kale cudurkan waxa lagaga hortagi karaa in la cidhib tiro dhamaan shilinta joogta xerada iyo xoolaha dushoodaba, iyada oo la isticmaalayo dawooyinka buufinta iyo kuwa xoolaha lagu duro.
▪️in laga taxadiro dhamaan waxyaabaha uu ku gudbo xanuunkani, sida dhiigga iyo qalabka loo isticmaalo in lagaga shaqeeyo xoolaha.
▪️ in aan xerada lagu darin xoolaha cusub ee la soo iibiyo ama meelo kale laga keeno, meel gaar ahna lagu xanaaneeyo.

𝗪𝗿𝗶𝘁𝘁𝗲𝗻 𝗯𝘆 /Somali Veterinary Doctors ✍︎✍︎